Ekibastuzda balyqshy sýǵa batyp ketti
PAVLODAR. KAZINFORM — Qutqarý qyzmetine Ekibastuz qalasyna qarasty Shıqyldaq aýyly mańynda, akademık Sátbaev atyndaǵy kanal ýchaskesinde 1963 jyly týǵan er adamnyń joǵalyp ketkeni týraly habarlama kelip túsken.
Aldyn ala málimet boıynsha, ol 2 mamyr kúni dosymen birge balyq aýlaýǵa ketip, sodan keıin baılanysqa shyqpaǵan.
Oqıǵa ornyna jedel túrde Ekibastuz qalasynda ornalasqan jedel-qutqarý jasaǵynyń kúshteri jiberilgen. Qutqarýshylar arnaıy jabdyqtar men motorly qaıyqty paıdalana otyryp, sý aıdynyn tekserdi. Sondaı-aq jaǵalaý boıynda kınologııalyq eseptiń qatysýymen izdestirý jumystaryn uıymdastyrǵan.
— Sý aıdynyna áýeden monıtorıng júrgizý barysynda ushý apparatynyń kómegimen rezeńke qaıyq tabyldy. Qaıyq mańynan, 5 metr tereńdikten súńgýirler er adamnyń múrdesin alyp shyqty. Ol qaıyqqa qutqarý keýdeshesin kımeı otyrǵany anyqtaldy. Marqumnyń denesi Ekibastuz qalasynyń polıtsııa qyzmetkerlerine tapsyryldy, — dep habarlady óńirlik tótenshe jaǵdaılar departamentinen.
Eske sala keteıik, Túrkistan oblysynda sýǵa batyp ketken balanyń denesi tabyldy.
Murat Aıaǵan
Pavlodar oblysy
Foto: Pavlodar oblysy TJD
