Ekibastuzda alty jasar bala kólik astyna túsip, mert boldy
PAVLODAR. KAZINFORM - Ekibastuz qalasyndaǵy turǵyn úı aýlasynda jeńil avtokólik alty jastaǵy balany qaǵyp ketken. Bala oqıǵa ornynda kóz jumdy.
Óńirlik polıtsııa departamentiniń aqparynsha, qaıǵyly oqıǵa 19 qyrkúıek kúni keshki saǵat 18.30-dar shamasynda qaladaǵy kópqabatty turǵyn úılerdiń biriniń aýlasynda bolǵan.
- Jol-kólik oqıǵasy faktisi boıynsha polıtsııa qylmystyq is qozǵady. Júrgizýshi ustalyp, polıtsııaǵa jetkizildi. Avtokólik arnaıy turaqqa qoıyldy. Tergeý barysy polıtsııa departamenti basshylyǵynyń baqylaýynda, - dep habarlady departamentten.
Oqıǵa ornynan túsirilgen kadrlar áleýmettik jelilerde tarady. Jeli qoldanýshylary balanyń alty jasta bolǵanyn jáne jol-kólik oqıǵasyna áıel adamnyń qatysy baryn jazyp jatyr.
Eske sala keteıik, Pavlodarda jol apatynan bir adam mert bolyp, taǵy jeteýi jaraqat aldy.
