Ekibastuzda 500 kV elektr jetkizý jelisi apattyq jaǵdaıda ajyratyldy

ASTANA. KAZINFORM — «KEGOC» AQ shuǵyl habarlama taratyp, Ekibastuz energııa torabynda apattyq ajyratý bolǵanyn málim etti.

2025 jylǵy 19 maýsym kúni saǵat 16:44–te aýa raıynyń qolaısyzdyǵyna baılanysty Ekibastuz energııa torabynda 500 kV elektr jetkizý jelisi apattyq jaǵdaıda ajyratyldy.

— Apatqa qarsy avtomatıkanyń iske qosylýy saldarynan shamamen 800 megavatt kóleminde elektr qýatyna shekteý engizildi. Qazirgi ýaqytta mamandar 500 kV jelisin qaıta qosý jáne energııa júıesin qalpyna keltirý jumystaryn júrgizip jatyr. Jelini tolyq qalpyna keltirý ýaqyty shamamen 1,5-2 saǵatty quraıdy. Jóndeý jumystary aıaqtalǵan soń qosymsha aqparat usynalady, — delingen «KEGOC» AQ taratqan aqparatta.

Budan buryn Ekibastuzdaǵy Shandaqsor sý qoımasynda balyq qyrylyp jatqanyn jazǵan edik.