Ekibastuzda 18 otbasyǵa jańa páterler berildi

PAVLODAR. KAZINFORM — Baspanaly bolǵandar arasynda jetim balalar men ata-anasynyń qamqorlyǵynsyz qalǵan balalar bar.

Ekibastuz qalasynda 18 otbasy kópten kútken páter kiltine ıe boldy. Muhtar Áýezov kóshesi, 101 mekenjaıynda ornalasqan turǵyn úı keshenindegi jańa eki bólmeli páterler baspanaǵa muqtaj azamattar esebinde kezekte turǵandarǵa berildi.

— Baspanaly bolǵandar arasynda jetim balalar men ata-anasynyń qamqorlyǵynsyz qalǵan balalar bar, olarǵa 4 páter berildi. Eki páterdi kóp balaly otbasy, al taǵy 12 páterdi halyqtyń áleýmettik osal toptarynyń ókilderi, olardyń ishinde 11 tolyq emes otbasy jáne múgedek balalardy tárbıelep otyrǵan bir otbasy aldy. Bul jumysty ekonomıka jáne qarjy bólimi qurylys bólimimen birlesip memlekettik turǵyn úı saıasatyn iske asyrý sheńberinde júrgizedi. Azamattardy qoljetimdi baspanamen qamtamasyz etý basym baǵyttardyń biri bolyp qala beredi, — dep habarlady Ekibastuz qalalyq ákimdiginen.

Eske sala keteıik, Ekibastuzda saýda úıiniń tóbesi opyrylyp qalǵanyn jazdyq.