Ekibastuzda 140 upaı jınaǵan túlekke 5 mıllıon teńge beriledi
PAVLODAR. KAZINFORM - Mundaı keremet syılyqty ekibastuzdyq kásipker taǵaıyndady.
Óńirdegi oqýshylar UBT-da eń joǵary upaı jınasa, 5 mln teńgeniń sertıfıkatyn ıelene alady. Jergilikti kásipker, metsenat túlekterdi osyndaı erekshe syılyqpen talpyndyryp otyr.
Jalpy «Zerde» mamandandyrylǵan mektebiniń túlekteri tarapynan ıgi bastamalar jıi uıymdastyrylady. Byltyrǵy jyldyń qarasha aıynda atalǵan mektep túlegi pán olımpıadasynda jetistikke jetken 11-synyptyń eki oqýshysyna 30 myń teńgeden stıpendııa taǵaıyndaǵan edi.
Atalǵan bilim ordasyn 2014 jyly bitirgen kásipker buǵan deıin mekteptiń 20 jyldyq mereıtoıyn bir mıllıon teńge aqshalaı qarajatpen qoldaǵan.
Bul joly da ol tamasha bastamasymen túlekterdi bilimge erekshe yntalandyrdy.
Eske sala keteıik, naýryz aıyndaǵy UBT qorytyndysy shyǵyp, 22 talapkerdiń nátıjesi joıyldy.