Ekibastuz jylý ortalyǵyndaǵy apat: Mınıstrlik túsinikteme berdi

PAVLODAR. KAZINFORM - №2 Ekibastuz MAES-1 stansasyndaǵy jaǵdaı qalany elektrmen jáne jylýmen jabdyqtaýǵa esh áserin tıgizbeıdi. Energetıka mınıstrligi qazir murjada arnaıy uıym tekserý jumystaryn júrgizip jatqanyn habarlady.

Bolat Nurjanov atyndaǵy Ekibastuz №2 memlekettik aımaqtyq elektr stansasyndaǵy №3 energııa blogynyń kenetten toqtaýy qýatpen qamtý júıesine áser etpeıdi.

«Ekibastuz MAES-1» JShS-ne tıesili №1 murjanyń oqpany boıyndaǵy qaraý lıýkterinen tútin gazdarynyń qysqa merzimdi shyǵýy bolǵan. Sebebin anyqtaý maqsatynda arnaıy uıym tekserý jumystaryn júrgizip jatyr. Elektr energııasymen qamtamasyz etý úshin elimizdiń ózge elektr stansalarynda óndiristi aldyn ala ulǵaıtý uıymdastyryldy. Atalǵan jaǵdaı tutynýshylardy elektrmen jáne jylýmen jabdyqtaýǵa esh áserin tıgizbeıdi,-dep habarlady QR Energetıka mınıstrliginen.

Buǵan deıin Ekibastuz №2 MAES stansasynda bir energııa blogy kenetten jumysyn toqtatqany týraly jazǵanbyz.