Ekibastuz Jylý elektr ortalyǵynda taǵy apat boldy
Ekibastuz Jylý elektr ortalyǵynda tótenshe jaǵdaı oryn aldy. Kazinform bul týraly «EkibastuzJylýEnergo» JShS-ǵa silteme jasap habarlaıdy.
«10 jeltoqsan, saǵat 01.10-da Ekibastuz JES-tiń kúl shyǵaratyn qubyrynda aqaý anyqtaldy. Saǵat 05.30-da zaqym joıyldy.
Aqaý saldarynan sý jylytý qazandyqtarynyń ekinshi tsehinde bager sorǵysyn sý basyp qaldy. Rezervte bolǵan eki energetıkalyq qazandyq agregaty iske qosyldy.
Ekibastuz JEO men Ekibastuz qalalyq Tótenshe jaǵdaılar basqarmasynyń kúshimen sýdy soryp shyǵarý jumystary júrgizilip jatyr. Onymen qosa, stantsııanyń bager sorǵysyn aýystyryp, odan ári iske qosý úshin rezervti qozǵaltqysh daıyndaldy», - delingen habarlamada.
Málimetke súıensek, qazirgi ýaqytta stantsııada 7 qazandyq agregaty istep tur (Nº 5, 6, 7, 9, 11, 13, 14), onyń ishinde sý jylytý tsehindegi 3 qazandyq ýaqytsha mazýtpen jaǵylyp jatyr.
«Jaqyn ýaqytta bager sorǵysyn iske qosý boıynsha barlyq jumystar aıaqtalatyn bolady. Keıin sý jylytý qazandyqtary grafıkke sáıkes kómirge aýystyrylyp, standartty jumysy qalpyna keltiriledi», - dedi kompanııadan.
Eske salaıyq, taıaýda ǵana qatty daýyl saldarynan Ekibastuz JEO elektr qýatynsyz qalǵan bolatyn.
Al 2022 jyldyń qarasha aıynda «Ekibastuzjylýenergo» JShS-nyń jylý jelilerinde apat bolyp, qalada tótenshe jaǵdaı oryn alǵan edi.
Bıylǵy qarashada Pavlodar oblysy Ekibastuz qalalyq soty «Ekibastuzjylýenergo» JShS bas dırektory M.-ǵa, «Ekibastuz jylý elektr ortalyǵynyń» dırektory V.-ǵa jáne «Ekibastuz jylý jelileri» dırektory G.-ǵa qatysty aýyr zardaptarǵa ákep soqqan, qyzmetterine adal qaramaý saldarynan óz mindetterin tıisinshe oryndamaý faktisi boıynsha qylmystyq isti qarap, úkim shyǵardy.
