Ekibastuz JEO-da qatty otynmen jumys isteıtin qazandyqtar jumysy tolyq qalpyna keldi
10 jeltoqsan kúni saǵat 19.30-da Ekibastuz JEO-da qubyrdaǵy kúldi shaıý nátıjesindegi sý basqan barlyq ýchaskeler qurǵatyldy, dep habarlaıdy Kazinform.
Pavlodar oblysy ákiminiń baspasóz qyzmeti jazǵandaı, jóndeý brıgadalary eki elektr qozǵaltqyshty aýystyrdy, sorǵy kúl qubyrynyń jumysy qalpyna keltirildi.
"Mazýtpen jumys istegen úsh sý jylytý qazandyǵy tolyǵymen otynnyń negizgi túrine – kómirge aýystyryldy. Qatty otynmen jylytylatyn qazandyqtardy iske qosý saǵat 04.30-da bastalyp, saǵat 06.00-de tolyǵymen aıaqtaldy", - delingen jazbada.
Stantsııa jumysy berilgen parametrlerge qaıta oraldy. Qazir 6 qazandyq agregat jumys isteýde. Gıdravlıkalyq rejım berilgen kestege sáıkes keledi: 9/1,5 kgs/sm2; JEO-dan shyqqan temperatýra 79°S quraıdy.
"Ekibastuzdyqtar óz páterlerinde jylýdyń jaqsarǵanyn kelesi birneshe saǵat ishinde sezinetin bolady, saǵat 10.00-de jylý tasymaldaýshynyń temperatýralyq parametrleri 90°S bolýy qajet", - dep tolyqtyrdy vedomstvodan.
