Ekibastuz turǵynynyń kóliginen 271 keli móńke balyǵy tárkilendi
Ekibastuz turǵynynyń kóliginen 271 keli móńke balyǵy tárkilendi, dep habarlaıdy Kazinform Polisia.kz-ke silteme jasap.
Reıdtik is-sharalardy ótkizý kezinde Maı aýdany Qarasora kóliniń jaǵasynda polıtseıler Ekibastuz qalasynyń 40 jastaǵy turǵynynyń VAZ-2109 avtokóligin toqtatty. Avtokóliktiń salonynan jalpy salmaǵy 271 keli bolatyn móńke balyǵynyń 10 qapshyǵy tabylyp, tárkilendi. Bul fakti boıynsha tekserý júrgizilip jatyr.
– Sondaı-aq, 30 qazanda Maı aýdany aýylynyń shetinde 27 jastaǵy aýyl turǵyny ań ustaýǵa ań aýlaý ilmekterin ornatqan. Bul rette onyń ruqsat berý qujattary bolmaǵan. Janýarlar álemin paıdalaný talaptary men ań aýlaý erejelerin buzǵany úshin quqyq buzýshyǵa qatysty QR ÁQBtK-niń 382-baby 1-bóligi (Janýarlar dúnıesin paıdalaný talaptaryn jáne ań aýlaý qaǵıdalaryn buzý) boıynsha ákimshilik materıal toltyryldy, – deıdi Pavlodar oblysy polıtsııa departamentiniń baspasóz qyzmeti.
Esterińizge sala keteıik, tabıǵat qorǵaý zańnamasyn buzýshylyqtardy, obektiler men bıologııalyq resýrstar ónimderiniń zańsyz aınalymyn anyqtaý jáne jolyn kesý, ekologııalyq qylmystardy ashý maqsatynda 20 qazan men 19 qarasha aralyǵynda oblys aýmaǵynda “Brakoner” jedel-profılaktıkalyq is-sharasy ótkizilip jatyr.
Tártip saqshylary bekitilgen ańshylyq alqaptarynda ǵana ań aýlaýǵa bolatyndyǵyn eske salady. Ańshynyń ózimen birge: tıisti jylǵa memlekettik baj tólengeni týraly belgisi bar ańshy kýáligi, ań aýlaýǵa ruqsaty, ańshylyq sharýashylyǵy sýbektisiniń baǵyty, ańshylyq atys qarýyn alyp júrý quqyǵyna ruqsaty bolýy tıis.
