Ekibastuz MAES-1-degi aqaý: stansaǵa qaýip tónip turǵan joq

PAVLODAR. KAZINFORM — Bolat Nurjanov atyndaǵy Ekibastuz № 1 MAES-tiń tútin murjasynda shyqqan aqaý kásiporynǵa aqaý tóndirmeıdi. Bul týraly Pavlodar oblysynyń ákimi Asaıyn Baıhanov habarlady.

Alyp murjasynyń búıirinen shań-tozań saýlap, el-jurtty shoshytqan Ekibastuzdaǵy MAES-1 stansasyndaǵy aqaý asa qaýipti emes. Táýelsiz saraptamalyq kompanııa osyndaı qorytyndyǵa kelgen.

«Ótken aptada Ekibastuzdaǵy MAES-1-de boldym. Stansanyń jaǵdaıymen tanystym. Menimen birge «Samuryq-Energo» AQ basshylyǵy da boldy. Nysan táýelsiz saraptamalyq kompanııamen jiti zerttelip, olar óz qorytyndylaryn bergen. Qazirgi ýaqytta stansanyń jumysyna qaýip tóndiretin jaǵdaı joq. № 1 tútin murjasynyń ishki bóligindegi qaptamalar — keramzıt kirpishterdiń keıbir tusy opyrylyp túsken. Tútin murjasynyń negizgi konstrýktsııasy zardap shekpegen ári ol jumys qalpynda. Qazir qalpyna keltirý jumystary júrgizilip jatyr», — dep habarlady Pavlodar oblysynyń ákimi Asaıyn Baıhanov.

Eske sala keteıik, qarasha aıynyń ortasynda Ekibastuz № 1 MAES stansasynda bir energııa blogy kenetten jumysyn toqtatty.

Ekibastuz elektr stansasyndaǵy apatqa baılanysty mınıstrlik túsinikteme berdi.

Búginde atalǵan kásiporyn eldegi elektr energııasynyń 20 paıyzyn berip otyr.