Ekibastuz qalasynyń bıligi kásipkerlerdiń 30 bıznes nysanyn syryp tastamaq bolǵan
PAVLODAR. KAZINFORM - Qala bıligi «Shahter» saıabaǵyndaǵy rekonstrýktsııa jumystaryna baılanysty onda ornalasqan barlyq attraktsıondardy, dúńgirshekter men dámhanalardy, dúkenderdi syryp tastamaq bolǵan. Biraq kásip ıelerine bıznesterin júrgizýge arnalǵan ózge oryndy usynbaǵan.
Pavlodar oblysy «Atameken» palatasy ekibastuzdyq kásipkerlerdiń shaǵymyna qulaq túrip, prokýratýra ókilderiniń bul iske aralasýyn suraǵan. Nátıjesinde jergilikti 30 kásipkerlik nysany saqtalyp qaldy.
«Kásipkerler palatasy men Ekibastuz qalalyq prokýratýrasy bıznes ókilderiniń ótinishe jedel den qoıdyq. Qala prokýrory shahar basshysynyń qatysýymen saıabaqta kóshpeli jıyn ótkizip, onyń nátıjesinde kásipkerlerdiń barlyq nysandary saqtalyp qalady degen sheshim shyǵaryldy», dep habarlady Óńirlik kásipkerler palatasynan.
Qazirgi ýaqytta balansustaýshy mekeme kásipkerlik sýbektilerimen 2024 jylǵa tıisti sharttardy jasasyp jatyr.
