Ekibastuz GRES-2-de jańa energobloktardyń qurylysy kesteden keshigip jatyr
PAVLODAR. KAZINFORM — Ekibastuzdaǵy GRES-2-niń úshinshi jáne tórtinshi energobloktaryn salý jumystary bekitilgen qurylys-montaj jumystarynyń kestesinen qalyp qoıǵan. Bul týraly Ekibastuz qalasynyń ákimi Aıan Beısekın málimdedi.
Qazirgi ýaqytta qurylys alańynda shamamen 360 adam jáne 32 arnaıy tehnıka jumys istep jatyr. Alaıda merdiger uıymnyń málimetinshe, jumystyń qarqynyn arttyrý úshin jumysshylar sanyn 430 adamǵa deıin kóbeıtý qajet.
Qurylys alańynda metall konstrýktsııalaryn montajdaý jumystary jalǵasýda. Týrbınalyq bólimde shatyrdy jóndeý jáne týrbınanyń irgetasyn salý jumystary júrgizilip jatyr. Negizgi betondaý jumystarynyń kólemin 20 qazanǵa deıin aıaqtaý josparlanǵan.
Deıturǵanmen qurylys nysanyndaǵy qurylys jumystary bekitilgen kesteden aýytqyǵany baıqalǵan.
— Qurylys bekitilgen qurylys-montaj jumystarynyń kestesinen azdap aýytqyp júrgizilip jatyr. Sebepteri obektıvti. Avtorlyq jáne tehnıkalyq qadaǵalaý málimetine sáıkes, anyqtalǵan eskertýler jedel túrde túzetilýde. Jobany iske asyrý boıynsha negizgi jaýapkershilik «Samuryq-Energoǵa» júkteledi. Jergilikti atqarýshy organdardyń mindeti — jobany sapaly súıemeldeý, — dep atap ótti Aıan Beısekın.
Joba aıasynda GRES-2-niń úshinshi jáne tórtinshi energobloktaryn iske qosý kózdelgen. Nysandar paıdalanýǵa berilgennen keıin stantsııanyń qýaty 1 GVt-tan astamǵa artady. Bul óńirdiń energetıkalyq áleýetin kúsheıtip, ınvestıtsııalyq múmkindikterin keńeıtýge yqpal etpekshi.
Eske sala keteıik, Ekibastuz GRES-1 stansasyna qatysty 140 mln teńgege ákimshilik is qozǵaldy.
