Ekibastuz GRES-1 stansasyna qatysty 140 mln teńgege ákimshilik is qozǵaldy
PAVLODAR. KAZINFORM - Elektr qýatyn óndiretin kásiporynda ekologııalyq zańnamany buzýdyń birqatar jaǵdaılary, sonyń ishinde kómirtegi oksıdi shyǵaryndylarynyń belgilengen normatıvinen asyp ketýi anyqtalǵan.
Pavlodar oblysy boıynsha ekologııa departamenti bıylǵy tamyz aıynda «Bolat Nurjanov atyndaǵy Ekibastuz GRES-1» JShS-ne qorshaǵan ortany qorǵaý salasyndaǵy talaptarǵa sáıkestigi boıynsha tekserý júrgizgen.
Tekserý nátıjeleri boıynsha ekologııalyq zańnamany buzýdyń birqatar jaǵdaılary, sonyń ishinde kómirtegi oksıdi shyǵaryndylarynyń belgilengen normatıvinen asyp ketýi anyqtalǵan. Normatıv 125,85365 g/s bolǵan kezde, naqty kórsetkish 191,146 g/s-ti quraǵan.
ıAǵnı artyq mólsheri — 65,29235 g/s. Sondaı-aq qaldyqtarmen jumys isteý salasyndaǵy talaptardyń buzylýy, sonyń ishinde tıisti ekologııalyq ruqsatsyz qaldyqtardy jınaqtaý faktileri belgili bolǵan.
- Anyqtalǵan buzýshylyqtar boıynsha jalpy somasy 140 mln teńgeden astam somaǵa ákimshilik is qozǵaldy. Kásiporynnyń ótinishhaty boıynsha ákimshilik materıaldar sot qaraýyna jiberildi, - dep habarlady departamentten.
Eske sala keteıik, Ekibastuz qalasyn basqan qoıý tútin jurtty shoshytty.
