Ekibastuz energııa torabynyń jumysy qalpyna keltirildi
ASTANA. KAZINFORM — 2025 jylǵy 19 maýsymda bolǵan apattyq ajyratýdan keıin Ekibastuz energııa torabyndaǵy 500 kV áýe jelisi arqyly elektrmen jabdyqtaý shemasy tolyq qalpyna keltirildi, dep habarlaıdy «KEGOC» AQ baspasóz qyzmeti.
— Elektr jetkizý jelilerindegi apat saldary joıyldy. Mamandardyń jedel áreket etip, energııa júıesiniń turaqty jumysyn qalpyna keltirdi. Bul rette Qazaqstan BEJ-iniń Ońtústik aımaǵy men Ortalyq Azııanyń BÁJ-ine avarııanyń saldaryn barynsha azaıtty. Saǵat 19:08–de Qazaqstannyń Soltústik jáne Ońtústik aımaqtarynyń parallel jumysy qalpyna keltirilip, tutynýshylarǵa engizilgen shekteýlerdi alyp tastaý jumystary bastaldy, — delingen «KEGOC» AQ habarlamasynda.
Budan buryn Ekibastuzda 500 kV elektr jetkizý jelisi apattyq jaǵdaıda ajyratylǵanyn jazǵanbyz.