Ekibastuz ákimdigi MAES-3 qurylysyna arnalǵan jerlerdi 8 ese qymbat baǵamen satyp almaq bolǵan

PAVLODAR. KAZINFORM - Pavlodar oblysynyń prokýratýrasy MAES-3 qurylysyna arnalǵan jerlerdi satyp alýǵa bólingen 1 mıllıardtan astam bıýdjet qarajatynyń shyǵyndalýyna jol bermedi.

Oblys prokýratýrasy baspasóz qyzmetiniń habarlaýynsha, Ekibastuz qalasynyń ákimdigi aýyldyq aımaqtaǵy aýdany 25 ga jáne 5 ga eki ýchaskege baǵalaý júrgizgen, alaıda uqsas jer úshin quny edáýir joǵary qalalyq jerlerdiń baǵalary paıdalanylǵan.

Nátıjesinde naqty quny 126 mln teńge bolatyn eki ýchaske bıýdjetke 1 001 197 999 teńgege shyǵyn keltire jazdady.

«Prokýrorlyq qadaǵalaý aktisi boıynsha bıýdjettik ótinim keri qaıtaryldy, ýchaskelerdiń menshik ıelerimen olardy satyp alý týraly kelisimder joıyldy, kináli laýazymdy tulǵalar jazalandy», - delingen habarlamada.