Ekibastuz №1 MAES stansasynda bir energııa blogy kenetten jumysyn toqtatty

PAVLODAR. KAZINFORM — Bolat Nurjanov atyndaǵy Ekibastuz № 1 memlekettik aımaqtyq elektr stansasyndaǵy № 3 energııa blogy kenetten toqtatyldy. Oǵan kásiporyn murjasyndaǵy aqaý sebep bolǵan.

Áleýmettik jelide Ekibastuzdaǵy 1 MAES-tiń tútin murjasynda sańylaý paıda bolyp, búıirinen qoıý shań-tozańnyń burqyrap jatqany týraly beınejazba tarap ketti. Bul kásiporynda búginde árqaısysy 500 MVt qýat beretin 8 energııa blogy bar.

— 2024 jylǵy 12 qarashada saǵat 16:00–de Ekibastuz 1-MAES jabdyǵyn aralaý jáne tekserý barysynda № 1 tútin qubyrynyń balkony tóńireginde shańnyń paıda bolǵany anyqtaldy. Shańdaný sebepterin anyqtaý úshin № 3 energııa blogyn ajyratý týraly sheshim qabyldanyp, tútin qubyryna ishki tekserý júrgizý maqsatynda mamandandyrylǵan uıym tartyldy.  Shańnyń paıda bolý sebepteri tekserý nátıjeleri boıynsha anyqtalady. Júrgizilgen taldaý negizinde qajetti is-sharalar jospary ázirlenedi, - dep habarlady kásiporynǵa ıelik etetin «Samyruq-Energo» kompanııasynan.

Buǵan deıin 2035 jylǵa qaraı qaı óńirler energııa tapshylyǵyna beıim bolatyny týraly jazǵanbyz.