Ekaterınbýrgte 220 metrlik telemunara jaryldy
ASTANA. QazAqparat -KSRO-nyń sońǵy jylynda qurylysy toqtatylǵan Ekaterınbýrgtegi telemunaraǵa demontaj jasaldy. Bul týraly TASS habarlaıdy.
Munara traektorııa boıynsha túzý qulaǵan. Qulaǵan jerde jarylys qýatynan 50-70 metrge deıin shań kóterilgen.
Telemunarany súrýdiń aldynda birneshe metro stantsııalary jabylyp, birneshe kósheler qorshaýǵa alyndy jáne soǵan jaqyn mańdaǵy úılerde turatyn adamdar evakýatsııalandy.
«Qurylysy aıaqtalmaǵan telemunaraǵa qarapaıym ádispen demontaj jasaıdy», - dep habarlady atalǵan agenttikke demontaj júrgizip jatqan «RVS» kompanııasynyń bas dırektory ıÝrıı Ovcharov.
«Barlyǵy shtattyq rejımde, jobaǵa sáıkes júrgizildi. Qoǵamdy tolǵandyrǵan másele týraly aıtar bolsaq, seısmıka múldem bolǵan joq. Munaranyń qalǵan 25-30 metrlik irgetasyna shtattyq rejımde demontaj jumystary júrgiziledi», - dedi Ovcharov.
