Ekaterınbýrgte -200 gradýsqa deıin aıaz bolady dep boljam jasady
ASTANA. QazAqparat - «41-Domashnıı» Ekaterınbýrg telearnasy aldaǵy aptanyń aýa raıy boljamyn usyna otyryp, oraldyq astanada qatty aıaz bolady dep boljam jasady.
Efır barysynda kórsetilgendeı, 12 qańtar, beısenbi kúni Ekaterınbýrgte aýa temperatýrasy 215 gradýs Tselsııge deıin tómen túsedi, dep jazady Lenta.rý.
Bul qatelikti «Komsomolskaıa pravda v Ekaterınbýrge» basylymy baıqap qalady. Ekrandaǵy keskin áleýmettik jelige tarap ketti. Alaıda telearnanyń málimdeýinshe, qoldanýshylar eski skrınshotty óz paraqshalaryna jarııalaıdy.
«Bizde mundaı jaǵdaı birneshe jyl aldyn oryn alǵan. Biraq, bulaı bolýy qalypty jaǵdaı. Jazylǵanda qatelik ketken», - dep atap ótti telekompanııanyń ókilderi.
Qańtar aıynda Reseıge qatty aıaz keldi. Meteorologtardyń málimetine súıensek, rojdestvolyq tún Máskeýde 120 jyldyń ishindegi eń sýyq tún bolǵan: Reseı astanasyndaǵy termometrdiń kórsetkishi mınýs 29,9 gradýsqa deıin tómendegen. Máskeý mańynda 8 qańtar kúni túngisin temperatýra kórsetkishi mınýs 36 gradýsqa jetken. Absolıýtti temperatýra 2010 jyly Antarktıda da baıqalǵan. Ol kezde qurlyqtyń temperatýrasy mınýs 93,2 gradýsqa tómendedi.
