Ekaterınbýrg ınvestorlary Qostanaıǵa kelmek
Ekaterınbýrgke atbasyn tiregen Arhımed Muhambetov Sverdlov oblysynyń gýbernatory Evgenıı Kýıvashevpen kezdesip, eki óńirdiń ekonomıkalyq baılanysyn nyǵaıtý joldaryn talqylady. Qazaqstandyq delegatsııa quramynda oblys ákimdigi men «Tobyl» áleýmettik-kásipkerlik korporatsııasynyń qyzmetkerleri boldy.
«Sverdlov oblysy biz úshin strategııalyq turǵyda jaqyn áriptesimiz sanalady. Eki el basshylarynyń dostyq qarym-qatynasynyń arqasynda ishki saýdanyń ósimi úshin barlyq jaǵdaı jasaldy. Búgingi kezdesý qos taraptyń ekonomıkalyq baılanysyn odan ári jaqsartady degen senimdemin. Sebebi, biz osynda áleýetti ınvestorlar, kásiporyn basshylarymen kezdesip, V2V formatynda jıyn ótkizemiz. Qazir biz Qostanaıda Indýstrıaldy aımaqtyń qurylysyn aıaqtadyq, sol sebepti sizderdiń oblystaǵy ınvestorlarǵa oryn bólýge múmkindigimiz bar. Olar ózderiniń qurylǵylaryn bizdiń aımaqta ornatyp, kásibin damyta alady», - dedi Arhımed Muhambetov jıynda.
Qostanaı oblysynyń ákimi jergilikti avtozaýyttyń damý qarqyny týraly sóz etti. Onyń aıtýynsha, byltyr Qostanaıda 6 myń kólik naryqqa shyǵarylǵan. Endi bıyl bul kórsetkishti eki esege ulǵaıtyp, kólik sanyn 12 myńǵa deıin jetkizý josparlanǵan.
Іs-sapar barysynda belgili bolǵandaı, Sverdlov oblysynyń kásipkerleri qostanaılyq Jac avtokóligine suranys jasap otyr. Ásirese, olardy kóliktiń S3 modeli aıtarlyqtaı qyzyqtyrǵan.
Sverdlov oblysynyń gýbernatory qazaqstandyq áriptesiniń usynystaryn tolyqtaı qoldady.
«Biz Qazaqstandaǵy oblystarmen tyǵyz baılanystamyz. 2017 jyldyń kórsetkishinde taýar aınalymy boıynsha Qazaqstan aldyńǵy qatardaǵy elderdiń biri. Іshki saýdanyń kólemi 30%-ǵa ósip, 1 mlrd-tan astam AQSh dollaryn qurady. Sizdiń osynda kelýińiz eki óńirdiń áriptestik baılanysyn odan saıyn nyǵaıtady», - dedi Evgenıı Kýıvashev.
Qostanaı oblysynyń ákimdigi men Sverdlov oblysynyń basshylyǵy ekonomıkalyq, mádenı-gýmanıtarlyq salalar boıynsha ekijaqty kelisimge qol qoıdy.
Jıyn sońynda Arhımed Muhambetov ótip jatqan Álem chempıonatynda Reseı quramasyna sáttilik tiledi. Sondaı-aq, ol reseılik áriptesterin Qazaqstanda ótetin Astananyń 20 jyldyǵyn merekeleý saltanatyna shaqyrdy.
