«Ekaterınbýrg – Almaty» trassasyndaǵy jol apatynan 3 adam zardap shekti

KÓKShETAÝ. QazAqparat – Aqmola oblysynda jol apatynan úsh adam zardap shekti, dep habarlaıdy QazAqparat oblystyq Polıtsııa departamentiniń baspasóz qzymetine silteme jasap.

Vedomstvo málimetinshe, jol-kólik oqıǵasy 8 maýsym kúni Arshaly aýdanynyń aýmaǵynda «Ekaterınbýrg – Almaty» avtojolynda bolǵan.

«Anyqtalǵandaı, «Toyota Camry» avtokóliginiń júrgizýshisi jyldamdyq rejımin jáne qashyqtyqty saqtamaı, alda júrip bara jatqan «KamAZ» júk kóliginiń tirkemesine soǵylǵan. Saldarynan jeńil kólik júrgizýshisi men eki jolaýshysy zardap shekti», – dedi PD jergilikti polıtsııa qyzmeti basqarmasynyń bastyǵy Aslan Qyzbıkenov.

Osy rette, tártip saqshylary aqmolalyqtarǵa jol qozǵalysy erejelerin qatań saqtaýdy, kólik quralyn sharshaǵan kúıde basqarmaýdy, sondaı-aq avtokóliktiń jolǵa jaramdylyǵyn tekserip turýdy suraıdy.

Aıta ketsek, budan buryn Aqmola oblysynda jol apatynan júrgizýshi kóz jumyp, eki adam aýrýhanaǵa túsken bolatyn.