«Ekaterınbýrg-Almaty» tasjolynyń boıynda qozǵalys aýa raıyna baılanysty shekteldi

ASTANA. QazAqparat - Qaraǵandy oblysynda aýa-raıynyń kúrt nasharlaýyna baılanysty «Ekaterınbýrg-Almaty» tasjolynyń Jumabek aýylynan Aqsý-Aıýly aýylyna deıingi aralyǵynda avtokóliktiń barlyq túri úshin qozǵalys shekteldi.

Bul týraly QazAqparat Respýblıkalyq mańyzy bar avtomobıl joldarynyń ulttyq operatoryna silteme jasap habarlaıdy.

Osyǵan deıin elimizdiń 13 óńirinde aýa raıyna baılanysty eskertý jarııalanǵan bolatyn. Onda 19-20 sáýir kúnderi Qaraǵandy oblysynyń soltústiginde, shyǵysynda jaıaý burqasyn soǵyp, kóktaıǵaq bolatyny aıtylǵan. Sondaı-aq oblystyń soltústiginde, ońtústiginde tuman túsedi. Batystan, soltústik-batystan jel soǵady, oblystyń soltústiginde, shyǵysynda jeldiń ekpini 15-20 m/s-ke deıin kúsheıedi.