14:55, 14 Qańtar 2020 | GMT +6
«Ekaterınbýrg - Almaty» tasjolynda kólik qozǵalysyna shekteý qoıyldy
NUR-SULTAN. QazAqparat - Aýa raıynyń qolaısyzdyǵyna baılanysty elimizdiń birqatar óńirinde jol jabyldy. Bul jóninde Indýstrııa jáne ınfraqurylymdyq damý mınıstrligine silteme jasap QazAqparat habarlaıdy.
Atap aıtqanda, «Ekaterınbýrg - Almaty» jolynyń Chıstopole eldimekeninen Almaty oblysynyń shekarasyna deıingi 835-856 shaqyrymynda kólik júrýine tyıym salyndy.
Sonymen qatar, osy «Ekaterınbýrg - Almaty» halyqaralyq tasjolynyń Soltústik Qazaqstan oblysynyń shekarasy men Jaqsy aýyly aralyǵyndaǵy 856-917 shaqyrymy jabylǵan.
«Qazirgi tańda respýblıkalyq mańyzy bar avtojoldarda 693 arnaıy tehnıka jumys istep jatyr. Joldaǵy jaǵdaı týraly aqparatty bilý jáne bólisý úshin 1403 jáne +7 778 001 1403 uıaly telefony boıynsha dıspetcherlerge WhatsApp-qa habarlasýǵa bolady» dep málim etti mınıstrlikten.
