«Ekaterınbýrg - Almaty» tas jolynda 41 jastaǵy áıel mert boldy
KÓKShETAÝ. QazAqparat - Aqmola oblysynyń aýmaǵynda «Ekaterınbýrg – Almaty» tas jolynda 41 jastaǵy áıeldi kólik qaǵyp mert qyldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetishe, 16-shy qazan kúni keshki saǵat 19:24 shamasynda Tselınograd aýdandyq PB kezekshilik bólimine Talapker aýylynda, ıaǵnı, «Ekaterınbýrg – Almaty» tas jolynyń 1239 shaqyrymynda «Ford» kóligin tizindegen Farforovyı aýylynyń 51 jastaǵy turǵyny 1978 jylǵy áıeldi qaǵyp ketken. Belgili bolǵandaı, kólik júrgizýshisi Astrahan aýdanyna baǵyt alǵan. Al, áıel, Nur-Sultan qalasynyń turǵyny, ol joldyń ruqsat etilmegen tusynan kesip ótpek bolǵan.
«Áıel birden oqıǵa ornynda alǵan dene jaraqatynan kóz jumdy. Jol patrýldik polıtsııa qyzmetkerleri arada 5 mınýt ótken kezde oqıǵa ornynan tabyldy. Qazirgi kezde, jol-kólik oqıǵasyna baılanysty tergeý amaldary júrgizilýde», - deıdi vedomstvonyń baspasóz qyzmetindegiler.
