Ekaterınbýrg-Almaty trassasyndaǵy jol apatynan tórt adam qaza tapty
ASTANA. KAZINFORM — 16 shilde kúni «Ekaterınbýrg-Almaty» tas jolynda jol-kólik oqıǵasy tirkeldi, dep habarlaıdy Aqmola oblysynyń polıtsııa departamenti.
Jol kólik oqıǵasy «Chery» jáne «Nissan Patrol» markaly eki avtokóliktiń qatysýymen bolǵan.
Oqıǵa saldarynan úsh adam oqıǵa ornynda kóz jumdy, tórteýi túrli dene jaraqattarymen aýrýhanaǵa jetkizildi.
Keıin Chery Tiggo júrgizýshisi alǵan jaraqattarynan Astana qalalyq aýrýhanasynda qaıtys boldy.
Qazirgi ýaqytta sotqa deıingi tergeý amaldary júrgizilip jatyr. Qorytyndy shyqqan soń protsessýaldyq sheshim qabyldanady.
Polıtsııa departamenti mundaı apattardyń aldyn alý úshin jol qozǵalysyna qatysýshylardyń, ásirese, kólik kóp júretin jerlerde jyldamdyq saqtaý, kóliktiń tehnıkalyq jaǵdaıyn qadaǵalaý mańyzdy ekenin eske salady.
Buǵan deıin habarlanǵandaı, Atyraý oblysynda jol apatynan 2 júrgizýshi men 2 jolaýshy kóz jumdy.