Ekaterınborda ishinde ıesiz arystan bar temir tor tabyldy

dep habarlaıdy Lenta.rý. Haıýandy sot prıstavtary taýyp alyp, ol týraly aqparatty Svedrlov oblysynyń tabıǵat qorǵaý vedomstvosynyń ókilderine habarlady.

Jyrtqyshtyń torda ustalý jaǵdaıyn jiti teksergen mamandardyń aıtýynsha, arystan úshin bul tor tym tar. Kólemi 4-te 4 metr. Mundaı shaǵyn tor arystanǵa tolyqqandy damýǵa múmkindik bermeıdi. Sonymen qatar, arystannyń ustalý jaǵdaıy tek arystannyń ózine ǵana emes, sonymen qatar Ekaterınbor turǵyndaryna da qaýip tóndiretindeı. Óıtkeni, arystannyń tory qalanyń Kırov aýdany úılerine jaqyn jerden oryn tepken eken.

Aıta keter másele, arystannyń qojaıyndary áli kúnge tabylǵan joq. «Arystan bizdiki dep keletin adamdar bar, biraq olardyń eshbiri arystan sol adamnyń ıeliginde ekendigin rastaıtyn qujattardy kórsete almaı otyr», - dedi "Interfaks" agenttigimen áńgime barysynda Sverdlov oblystyq prokýratýrasynyń ókili.

Sverdlov oblysynyń prokýratýrasy jabaıy ańnyń tar qapasta ustalýyna qatysty tekserý jumystaryn bastap ta ketti. Al arystannyń ómir súrý jaǵdaıyn durystap, ony basqa qolaıly mekenge aýystyrý máselesi jaqyn arada óz sheshimin tappaq.