Ekaterınborda Eltsınge arnalǵan kórme ashylady
ASTANA. 31 qańtar. QazAqparat - Búgin Ekaterınborda Reseıdiń tuńǵysh prezıdenti Borıs Eltsınge arnalǵan kórme ashylady, dep habarlady reseılik «Jańalyqtar» agenttigi.
Borıs Eltsınniń týanyna 80 jyl jáne RF prezıdenti taǵyna otyrǵanyna 20 jyl tolýyna arnalǵan sharalar 26 qańtarda bastalǵan bolatyn jáne ol 6 naýryzǵa deıin Máskeý, Ekaterınbor, Perm jáne Qazan qalalarynda jalǵasady. Onyń aıasynda kórmeler, kitaptardyń tanystyrylymdary, kontsertter, tennıs týrnıri, sondaı-aq eskertkishtiń ashylýy ótedi.
«Ekaterınbordyń tarıh murajaıynda 31 qańtarda ashylatyn kórmege 1991 jyldyń basty oqıǵalaryn baıandaıtyn qujattar, foto jáne beınematerıaldar, gazetter jarııalanymdary, muraǵattyq jádigerlikter qoıylady», - delingen qala tarıhy murajaıynyń habarlamasynda.
Borıs Eltsın 1931 jyly 1 aqpanda Sverdlov oblysynyń Talıtskıı aýdany Býtka selosynda dúnıege kelgen. Oral memlekettik tehnıkalyq ýnıversıtetiniń qurylys bólimin bitirgen. Partııalyq mansabyn 1968 jyly Sverdlov oblystyq partııa komıteti qurylys bóliminiń meńgerýshisi bolyp bastady. Odan keıin oblystyq partııa komıtetiniń hatshysy (1975-1976), birinshi hatshysy (1975-1985) bolyp saılandy.
Eltsın Reseıdiń tuńǵysh prezıdenti oryntaǵyna 1991 jyly 12 maýsymda saılanyp, bul qyzmetti 1999 jylǵy 31 jeltoqsanǵa deıin atqardy. Ol 2007 jyly 23 sáýirde 77-ge qaraǵan jasynda dúnıeden ótti.
2008 jyly Ýral memlekettik tehnıkalyq ınstıtýtyna jáne Ekaterınbor qalasy kósheleriniń birine Eltsınniń esimi berildi.
