Ekaterınborda «Birge baqyttymyz» serıalynyń keıipkeri Gena Býkınge arnalǵan músin ashylady
ASTANA. 4 aqpan. QazAqparat - Búgin Ekaterınborda serıal keıipkerine arnalǵan Reseıdegi eń alǵashqy músin ashylady. «Birge baqyttymyz» teleserıalynyń keıipkeri Gena Býkınniń monýmentaldyq beınesi Ekaterınbor qalasynyń Vaıner jaıaý kóshesinde ornatylady.
Dál osy jerde fılmniń stsenarııi boıynsha Gena satýshy bolyp istegen aıaq-kıim dúkeni ornalasqan, - dep habarlaıdy ITAR-TASS.
Eki metrlik qola músinniń salmaǵy 435 keli. Avtordyń aıtýynsha, Reseıde serıaldyq keıipkerge eń alǵashqy eskertkish ornatylmaq.
Úlken Býkınniń taǵylymdy beınesin ekranda somdaǵan akter Vıktor Logınov barlyǵyna yqylas bildirip, nazar aýdarǵandaryna sheksiz alǵysyn aıtyp, eskertkishtiń ashylýyna mindetti túrde qatysatynyn jetkizdi. Erterekte, V.Logınov Ekaterınbor akademııalyq drama teatry men Ýral jazýshylar murajaıynyń kameralyq teatrynda akter bolyp qyzmet etken bolatyn.
