Ekaterınborda aerobýs syrǵanaǵan kúıi ushý alańynyń syrtyna shyǵyp ketti
ASTANA. 6 qarasha. QazAqparat - Búgin «Koltsovo» áýejaıynda Dýbaı-Ekaterınbor baǵytynda ushatyn «Ýralsk áýejelileri» kompanııasynyń Airbus A321 ushaǵy ushý alańynyń syrtyna shyǵyp ketti.
Bul týraly áýe kompanııasynyń baspasóz qyzmetine silteme jasaǵan RIA Novostı habarlaıdy.
Ushaq 30 metrge deıin syrǵanap ketti. Oqıǵa jergilikti ýaqyt boıynsha tańǵy saǵat 4.25-te boldy. Ushaq bortynda 143 jolaýshy men ekıpajdyń 8 múshesi bar edi. Eshkim zardap shekken joq .
Oqıǵanyń oryn alýyna ushý-qon alańynyń kóktaıǵaqtanýy sebep boldy.
