Ekaterınbor túbinde ańshy ózge adamdy aıý dep oılap atyp tastaǵan
ASTANA. QazAqparat - Oqys oqıǵa senbi kúni Sverdlov oblysyndaǵy Nıjnıe Sergı qalasynan 17 shaqyrym jerde oryn aldy. Kúdikti men qaza tapqan osy aýmaqta ań aýlaý úshin bólek kelgen.
37 jastaǵy er adam ormanda kele jatqanda belgisiz bir sulbany baıqaıdy. Ol adam kóleńkesin aıý dep oılap qalyp, eki ret atqan. Aǵashtardyń arasynda aıý emes, ózge ańshy jasyrynyp otyrǵan eken. 63 jastaǵy er adam alynǵan jaraqattardyń saldarynan oqıǵa ornynda kóz jumdy.
Kúdikti bolǵan keleńsiz jaıt týraly polıtsııaǵa ózi baıandap berdi. Oǵan qatysty «Abaısyzdan adam óltirý» baby boıynsha qylmystyq is qozǵaldy.
