«Ekaterınbor-Almaty» tasjolynda 13 kólik soqtyǵysty
KÓKShETAÝ. QazAqparat - Aqmola oblysy aýmaǵyndaǵy avtojoldarda birneshe kólik soqtyǵysyp, 100-den astam kóliktiń keptelesi tirkeldi, dep habarlaıdy QazAqparat tilshisi.
Oblystyq polıtsııa departamenti baspasóz qyzmetiniń málimetinshe, aýa raıynyń nasharlaýyna baılanysty Aqmola oblysynda avtojoldardyń 56 ýchaskesi jabyldy. Alaıda soǵan qaramastan, óńirdiń keıbir avtojoldarynda iri jol-kólik oqıǵalary oryn aldy.
«Arshaly aýdany Ijevsk aýyly mańyndaǵy jol aıyryǵynyń aldynda, ıaǵnı Qaraǵandy qalasy baǵytyndaǵy «Ekaterınbor-Almaty» avtojolynyń 1321 shaqyrymynda jol-kólik oqıǵasy oryn aldy. Anyqtalǵandaı, onda 13 avtokólik soqtyǵysty. Qazirgi ýaqytta oqıǵanyń mán-jaıy anyqtalýda. Jol apatynyń saldarynan 53 avtokóliktiń (onyń 23 júk kóligi) keptelis tirkeldi. Qazirgi ýaqytta oqıǵanyń mán-jaıy anyqtalýda», - dedi vedomstvonyń baspasóz qyzmetinen.
Vedomstvodan atap ótkendeı, sol kúni Nur-Sultan qalasy baǵytyndaǵy joldyń boıynda 11 kólik soqtyǵysyp, uzyn kólik keptelisi paıda boldy. Munda 24 avtokólikke mehanıkalyq zaqym keldi.
«Óńirdegi avtojoldardyń jabyq ýchaskelerinde apattyq-qutqarý jumystaryna 170-ten astam tehnıka jumyldyryldy. Polıtseıler men qutqarýshylar jáne jergilikti atqarýshy organdardyń qyzmetkerleri aýa-raıynyń jaısyzdyǵynan zardap shekken adamdarǵa kómek kórsetti», - dep tolyqtyrdy vedomstvodan.
