«Ekaterınbor-Almaty» tas jolyndaǵy jol apaty 5 adamnyń ómirin qıyp ketti
KÓKShETAÝ. QazAqparat - Aqmola oblysynyń aýmaǵynda «Ekaterınbor-Almaty» tas jolynda jol-kólik oqıǵasy bolyp, 5 adam kóz jumdy, onyń 2-ýi kámelettik jasqa tolmaǵan bala, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, qańtardyń 31-de Astrahan aýdandyq polıtsııa bólimine túngi saǵat 23:22 shamasynda Jambyl aýyly mańynda jol apaty týraly aqparat tústi.
«Anyqtalǵandaı, «Ekaterınbor-Almaty» kúre jolynyń 1179 shaqyrymynda Nur-Sultan qalasyna baǵyt alǵan «VMW X5» kóliginiń 34 jastaǵy júrgizýshisi alda júrip bara jatqan «KamAZ» kóligine soqtyǵysqan. Saldarynan «VMW X5» kóliginiń júrgizýshisi, 2 áıel jolaýshysy men 2 bala alǵan dene jaraqatynan oqıǵa ornyndy kóz jumdy. Kámelettik jasqa tolmaǵan taǵy 2 bala Nur-Sultan qalasynyń №2 qalalyq aýrýhanasyna jatqyzyldy», - dedi vedomstvodan.
Sot medıtsınalyq-saraptama «VMW X5» kóliginiń júrgizýshisi oqıǵa bolǵan kezde saý bolǵanyn kórsetti.
«Qazirgi kezde, osyǵan baılanysty QR QK 345 babynyń 3 bóligi «kólik quraldaryn basqarǵan tulǵanyń jol qozǵalysy nemese kólik quraldaryn paıdalaný erejelerin buzýy» boıynsha sotqa deıingi is qozǵaldy», - dep tolyqtyrdy vedomstvodan.
