Ekaterınbor-Almaty jolynda jaıylǵan jylqylar jol apatyna sebepshi boldy
KÓKShETAÝ. KAZINFORM – Aqmola oblysy aýmaǵynda «Ekaterınbor-Almaty» jolynda jaıylyp júrgen alty jylqyny kólik qaǵyp ketti.
Aqmola oblysynyń PD baspasóz qyzmetiniń málimetinshe, jol apaty sáýirdiń 9-da saǵat 04:10 «Ekaterınbor-Almaty» jolynyń 127 shaqyrymynda bolǵan.
«Kókshetaý baǵytynda júrip kele jatqan «Lexus RH-450» kóliginiń júrgizýshisi joldyń ústine shyǵyp ketken 6 jylqyǵa soǵyldy. Jol apatynan zardap shekkender joq, kólikke mehnıkalyq zala keldi. 62 jastaǵy jylqyshyǵa qatysty Ákimshilik quqyqbuzýshylyq týraly kodekstiń 408-baby «aýyl sharýashylyǵy janýarlaryn jaıý erejesin buzý» boıynsha ákimshilik hattama toltyryldy», - dedi vedomstvodan.
Aıta ketsek, budan buryn «Astana-Petropavl» tas jolynda eki júk kóligi soqtyǵysyp, bir adam kóz jumǵanyn jazǵan edik.
