Ekaterına Tarantseva slalomda esýden Azıadanyń qola júldegeri atandy
ASTANA. KAZINFORM - Japonııanyń Aıchı prefektýrasy men Nagoıa qalasynda ótip jatqan jazǵy Azııa oıyndarynda slalomda esýden jeńimpazdar anyqtaldy, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Áıelder arasynda kaıak saıysy boıynsha Ekaterına Tarantseva da 112.23 upaımen 3-oryn aldy. Birinshi oryndy Japonııa sportshysy jeńip alsa, kúmis júlde Qytaıǵa buıyrdy.
Erler arasyndaǵy kanoeden fınalda Aleksandr Kýlıkov 156.52 upaı jınap, 5-orynǵa turaqtady.
Osyǵan deıin qazaqstandyq eki eskekshiniń Azıadanyń fınalyna joldama alǵany týraly jazdyq.
