Ekaterına Shýlman M.Nárikbaev atyndaǵy KAZGıÝÝ Ýnıversıtetiniń professory atandy

ASTANA. QazAqparat - Belgili saıasattanýshy Ekaterına Shýlman osy aptada M.Nárikbaev atyndaǵy KAZGıÝÝ Ýnıversıtetiniń stýdentteri men magıstranttaryna arnaıy dáris oqydy.

Sondaı-aq 600-den astam tyńdaýshy qatysqan «M.Narikbayev Public lecture» áleýmettik jobasynda «Qazaqstan: aýyspaly kezeńdegi qoǵam jáne qundylyqtar» taqyrybynda qoǵamdyq dáris ótkizdi, dep habarlaıdy QazAqparat ýnıversıtettiń baspasóz qyzmetine silteme jasap.

Baspasóz qyzmetiniń málimetterine qaraǵanda, Ekaterına Shýlman sonymen qatar M.Nárikbaev atyndaǵy KAZGıÝÝ Ýnıversıtetiniń associate professor boldy.

Ol ýnıversıtette saıasattaný páninen sabaq beretin bolady.

E.Shýlman stýdentterge «Eýrazııalyq keńistiktegi geosaıası jaǵdaıdy taldaý: saıasattanýshynyń kózqarasy» taqyrybynda alǵashqy dárisin oqydy. Keıin magıstranttarǵa «Aqparattyq «serfıng»: sarapshynyń saýatty saıası taldaý daǵdylaryn damytý jónindegi keńesteri» taqyrybynda dáris ótkizdi.

Ekaterına Shýlman – saıasattanýshy jáne pýblıtsıst, saıasattaný ǵylymdarynyń kandıdaty, zań shyǵarý máseleleri boıynsha sarapshy maman.