13:40, 30 Mamyr 2024 | GMT +6
Ekaterına Shabalına Olımpıadanyń 55-shi joldamasyn qorjynǵa saldy
ASTANA. KAZINFORM — Ekaterına Shabalına Parıj Olımpıadasy lıtsenzııasynyń ıegeri atandy.
Búgin trıatlonnan ulttyq qurama qorjynyna Parıj Olımpıadasynyń joldamasy tústi.
Halyqaralyq federatsııa Azııa qurlyǵynda qalǵan jalǵyz kvotaǵa Ekaterına Shabalınanyń ıe bolǵanyn rastady.
Qazaqstandyq atlet bul múmkindikke New Flag sanatynda qol jetkizdi.
Munda álem reıtınginde 180-orynǵa deıin kiretin sportshylardyń jınaǵan upaılary bólek eseptelip, túziledi.
Ekaterına Gonkong ókili Beılı Braýndy artta qaldyrdy.
Erler arasynda osy sanatta Aıan Beısenbaevta múmkindik bolǵan. Alaıda ol sheshýshi reıtıngte Gonkong sportshysy Longtan 31,84 upaı qalyp ketti.
Qazir Qazaqstan delegatsııasynda 52 sportshy qol jetkizgen 55 joldama bar.
