Ekaterına Parafıeva Toıota júrgizýshisi men avtobýs ıesinen moraldyq shyǵyndy daýlamaqshy
ALMATY. QazAqparat - Jol apatynda eki aıaǵynan aırylǵan Ekaterına Parafıeva Toıota Kamrı júrgizýshisi men avtobýs ıesinen moraldyq ótemaqy daýlamaqshy, dep habarlaıdy QazAqparat tilshisi.
Búgin sot otyrysynda avtobýs júrgizýshisi Dáýren Jańabaevqa qatysty sot úkimi shyqqan bolatyn. Sýdıa Jańabaevtyń 2 jylǵa bas bostandyǵyn shektedi.
Sonymen qatar, ol Parafıevaǵa 2 mln teńge moraldyq ótemaqy óteýge mindetteldi.
Alaıda jábirlenýshi tarap úkimge narazylyq bildirdi.
Olar apellıatsııalyq ınstantsııaǵa shaǵymdanbaqshy.
«Meniń densaýlyǵymdy 2 mln teńgege baǵalaý durys emes dep sanaımyn. Qazir tıisti organdar meniń qıraǵan kóligimdi 2 mln teńgege baǵalap otyr. Sonda temir men meniń densaýlyǵymnyń quny birdeı bolyp tur», - dedi E. Parafıeva.
Onyń qorǵaýshysy Janna Ýrazbahova Toıota Kamrı júrgizýshisi men avtobýs ıesinen moraldyq shyǵyndy daýlaıtyndaryn aıtty.
«Basynda azamattyq shaǵymda moraldyq ótemaqy avtobýs júrgizýshisinen, avtobýs ıesinen, Toıota Kamrı júrgizýshisinen 20 mln teńge talap etken bolatynbyz. Sot tek júrgizýshi Jańabaevtan shyǵyn óndirý týraly qaýly qabyldady. 2 mln teńge protezge de jetpeıdi, Sondyqtan, qalǵan eki jaýapkerden moraldyq ótemaqy óndirý týraly apellıatsııalyq aryz túsiretin bolamyz», - dedi Janna Ýrazbahova.
Aıta ketý kerek, búgin avtobýs júrgizýshisi Dáýren Jańabaevqa qatysty sot úkimi shyqqan bolatyn. Sýdıa onyń bas bostandyǵyn 2 jylǵa shektedi.
Eske sala keteıik, E. Parafıeva 16 maýsymda Almaty qalasyndaǵy ál-Farabı dańǵylynda bolǵan jol apatynan japa shekken bolatyn. Honda CRV kóligin tizgindegen qyzdar ashyq lıýkke kirip ketip, kólik dóńgelegin jaryp alǵan. Sodan jol shetine toqtap, syrtqa shyǵyp, kólikterin qarap jatqan kezde ortańǵy jolaqta kele jatqan Toyota Camry mashınasyn avtobýs soqqan. Qatty soqqydan Toyota Camry aınalyp, artqy jaǵymen Honda CRV kóligin urǵan. Sonyń saldarynan qyzdar ortada qysylyp qalyp, bireýi eki aıaǵynan aıyryldy.
