Ekaterına Bıvoldy ustaýǵa qatysty reseılik polıtsııamen baılanys bar – QR ІІM

ASTANA. KAZINFORM — Іshki ister mınıstriniń orynbasary Sanjar Ádilov boksshy Dmıtrıı Bıvoldyń burynǵy jary Ekaterına Bıvolǵa qozǵalǵan qylmystyq iske qatysty túsinik berdi.

Búgin Senattyń jalpy otyrysynan keıin tilshiler izdeý jarııalanǵan Ekaterına Bıvolǵa qatysty reseılik ishki ister organdarymen qandaı is-qımyldar jasalyp jatqanyn surady. 

— Oǵan qatysty qylmystyq is qozǵaldy. Tergeý amaldary jalǵasyp jatyr, sonymen qatar halyqaralyq izdeý jarııalandy. Kúdiktige qatysty bultartpaý sharasy retinde qamaýda ustaý túri tańdaldy. Arnaıy arnalar arqyly Reseıdiń polıtsııa qyzmetkerlerimen baılanystamyz. Ekaterına Bıvol ustalsa, Bas prokýratýra organdary arqyly ekstradıtsııa máselesi sheshiledi, — dedi Sanjar Ádilov.

Budan buryn habarlanǵandaı, bıyl qarasha aıynyń basynda belgili boksshy Dmıtrıı Bıvoldyń burynǵy áıeli Ekaterına Bıvolǵa Qazaqstanmen qatar Qyrǵyzstan eli de is qozǵap, izdeý salyp jatqany málim boldy.