Ekaterına Aıdova: Bizge myqty bapker kerek
PHENChHAN. QazAqparat - Ońtústik Koreıanyń Phenchhan qalasynda ótip jatqan HHIII qysqy Olımpıada oıyndarynda konkı sportynan synǵa túsken otandasymyz Ekaterına Aıdova jarystan keıin óz oıymen bólisti, dep habarlaıdy QazAqparat tilshisi.
«Jarysty ózderińiz kórdińizder. Osynda kelgen sport basshylary da qarap otyr. Bizge Japon, Koreıa elderiniń sportshylarymen teń dárejede óner kórsetý úshin bizge myqty bapker kerek. Biz bir orynda qalyp qoıdyq. Al ózge elder alǵa ketip barady. Endi, osydan keıin, elge barǵanda sport basshylary bizge úlken ózgerister jasaýy múmkin. Ne bolsa da men sportty ary qaraı jalǵastyra beremin. Olımpıadadan keıin toqtap qalmaımyn. Alda kóptegen jarystar bar», - dep atap ótti Aıdova.
Esterińizge sala keteıik, ol búgin konkı sportynan 500 metr qashyqtyqta synǵa túsip, jarysty 21-shi orynmen aıaqtady.
