Ekaterına Aıdova: Bar kúshimdi 1000 metrge salatyn bolamyn

PHENChHAN. QazAqparat - Búgin Ońtústik Koreıada ótip jatqan HHIII qysqy Olımpıada oıyndarynda konkı sportynan áıelder arasynda 1500 metrge júgirip, úzdikter qatarynan kórine almaǵan Ekaterına Aıdova saıystan keıin óz oıymen bólisti, dep habarlaıdy QazAqparat tilshisi.

"1500 metr maǵan óte qıyn boldy. Negizgi meniń jaqsy júgiretin qashyqtyǵym 1000 metr. Endi eki kúnnen keıin osy atalǵan qashyqtyqta baǵymdy synaımyn. Sol kezde bar múmkindigimdi pash etetin bolam. Osy Olımpıadaǵa joldamany 1000 metrden jeńip alǵanmyn. Jalpy, muz aıdyny óte keremet. Ótken jyly da osy muz aıdanynda bolǵanmyn. Búgin Olımpıadadaǵy alǵashqy saıys kúnim, sondyqtan azdap qobaljý boldy. Endi, ekinshi ret ondaı úreıge boı aldyrmaımyn degen senimdemin", - dep atap ótti Aıdova.

Sondaı-aq, ol keshe Qazaqstan qorjynyna alǵashqy qola medaldi salǵan ıÝlııa Galyshevany jeńisimen quttyqtaýdy da umytpady.

"Keshe Galysheva alǵashqy medaldi alyp, bar otandastarymyzdy bir qýantyp tastady. Ony jeńisimen quttyqtaımyn. Men onyń osyǵan deıingi ár saıysyn telearna arqyly qaldyrmaı qarap otyrdym. Qatty jankúıer boldym. Keshe medal alatyn sońǵy sheshýshi synda sońǵy qarsylasy qatelikke boı aldyryp, áriptesimizge júlde buıyrdy. Bul barlyq qazaq eliniń júldesi. Qutty bolsyn", - dep atap ótti ol.