Eki jylda elimizde 112,7 shaqyrym kanal betondaldy
ASTANA. KAZINFORM — «Qazsýshar» tarıf qarajaty esebinen shamamen 113 shaqyrym kanaldy betonmen qaptady, dep habarlaıdy Sý resýrstary jáne ırrıgatsııa mınıstrliginiń baspasóz qyzmeti.
Sońǵy eki jarym jyl ishinde «Qazsýshar» RMK 112,7 shaqyrym sýarý kanalyn betondady. Bul jumystar kásiporynnyń kanaldar arqyly sý jetkizý qyzmetinen túsken tarıf qarajaty esebinen júrgizildi. Atap aıtqanda, 2024 jyly 62,1 shaqyrym kanal betondalsa, 2025 jyly bul kórsetkish 50,6 shaqyrymdy qurady. Bıyl tarıf qarajaty esebinen Jambyl oblysynda buǵan deıin rekonstrýktsııadan ótken 500 shaqyrymnan astam sýarý jelisin avtomattandyrý jobasy iske asyrylyp jatyr.
— Kanaldardy betondaý sýarý sýyn tasymaldaý kezindegi shyǵyndardy azaıtýǵa, sondaı-aq tutynýshylarǵa sý jetkizýdiń tıimdiligi men jyldamdyǵyn arttyrýǵa múmkindik berdi. Bul vegetatsııa kezeńiniń turaqty ótýin qamtamasyz etý úshin asa mańyzdy, — dedi «Qazsýshar» RMK bas dırektorynyń mindetin atqarýshy Anýar Óskenbaev.
Buǵan deıin «Qazsýshar» aldyndaǵy dıqandardyń bereshegi 1 mlrd teńgege jýyqtaǵanyn jazǵan edik.
