Eki jylda dáriger tapshylyǵy 20%-ǵa qysqardy – mınıstrlik
ASTANA. KAZINFORM – Qazaqstanda sońǵy eki jylda medıtsına kadrlarynyń tapshylyǵy 20%-dan astamǵa azaıdy. Bul týraly Densaýlyq saqtaý mınıstrligi málim etti.
Vedomstvonyń dereginshe, Memleket basshysynyń tapsyrmasy boıynsha medıtsına qyzmetkerlerin áleýmettik qoldaý jáne olardyń mártebesin arttyrýǵa baǵyttalǵan keshendi sharalar júzege asyrylǵan.
Nátıjesinde dárigerler tapshylyǵy 20,4%-ǵa, orta býyn medıtsına qyzmetkerleriniń tapshylyǵy 13%-ǵa tómendegen. Sonymen qatar sońǵy bes jylda medıtsına qyzmetkerleriniń shetelge ketýi shamamen 5 esege qysqarǵan.
Mınıstrlik málimetinshe, atalǵan nátıjelerge medıtsına qyzmetkerleriniń kásibı jaýapkershiligin saqtandyrý, olarǵa qarsy zorlyq-zombylyq úshin jaýapkershilikti kúsheıtý jáne qaýipsiz eńbek jaǵdaılaryn qamtamasyz etý baǵytyndaǵy zańnamalyq ózgerister yqpal etken.
- Aýyldyq jerlerde tapshy mamandyqtar boıynsha kadr tartý úshin 100 eń tómengi jalaqy mólsherinde, ıaǵnı shamamen 8,5 mln teńge kóleminde birjolǵy áleýmettik tólemder qarastyrylǵan.
Budan bólek, medıtsına qyzmetkerlerine qyzmettik turǵyn úı berý, kóterme járdemaqy tóleý, kommýnaldyq shyǵyndardy óteý sııaqty qosymsha qoldaý sharalary engizilgen, - dep jazdy vedomstvodan.
2023 jylmen salystyrǵanda dárigerler tapshylyǵy 4863,75-ten 3869,5 shtattyq birlikke deıin tómendegen.
Aıta keteıik, buǵan eıin óńirlerde nege dáriger men muǵalim tapshy ekenin jazǵan bolatynbyz.
