Eki jylda bos jatqan 10 mln gektar jer memleketke qaıtarylǵan
ASTANA. KAZINFORM – 2022 jyldyń basynan beri paıdalanylmaıtyn 10 mln gektar aýyl sharýashylyǵy jerleri memlekettik menshikke qaıtaryldy. Bul týraly QR Aýyl sharýashylyǵy mınıstri Aıdarbek Saparov aıtty.
Mınıstrdiń aıtýynsha, 2024 jyly taǵy 2 mln gektar jerdi qaıtarý josparlanyp otyr.
«Salyq salýdaǵy ózgerister aýyl sharýashylyǵy alqaptaryn utymdy paıdalanýǵa yntalandyrý bolýǵa tıis. Bul jumys biryńǵaı jer salyǵy tásilderin ózgertý sheńberinde júrgizilýde, nátıjesinde Agroónerkásip keshenindegi salyqtar boıynsha esepke alý men ákimshilendirýdi jeńildetýge múmkindik beredi», - dedi spıker Ortalyq kommýnıkatsııalar qyzmetinde ótken baspasóz máslıhatynda.
Buǵan deıin A.Saparov qazaqstandyq sharýalar Reseımen nege básekelese almaıtynyn, salada qandaı júıeli problemalar bar ekenin aıtqan edi.
