Eki jylda 80 aýyl kartadan joǵalǵan

ASTANA. KAZINFORM — Májiliste shekaralyq eldi mekenderdiń máselesi talqylanyp jatyr.

Birinshi bolyp baıandama jasaǵan Májilis depýtaty Jıgýlı Daırabaev dóńgelek ústelgen qatysýshylarǵa aýyl halqynyń jyldan jylǵa azaıyp bara jatqanyna nazar aýdarýdy surady.

— Búgingi kúnde elimizde 6208 aýyl bar, al 2023 jyly 6286 aýyl boldy. Sonda tek 2 jyldyń ishinde 80 aýyl joıyldy. Kúni keshe ǵana Memleket basshysy Úkimettiń keńeıtilgen otyrysyndaǵy sózinde: aýyldyq aımaqtardy jan-jaqty damytýǵa arnalǵan memlekettik qoldaý sharalarynyń bárin bir baǵdarlamaǵa biriktirý qajettigin basa aıtqany barshańyzǵa málim. Sondyqtan osy máseleni talqylap, aýyldardy sonyń ishinde shekara mańyndaǵy aýyldardy damytý boıynsha naqty sheshimderge kelgen jón, — dedi ol.

Al Ulttyq ekonomıka mınıstrliginiń málimeti boıynsha, keıingi on jylda Qazaqstan kartasynan 572 aýyl joıylǵan.