Eki jylda 23 esirtki zerthanasy joıyldy
ASTANA. KAZINFORM – Sońǵy 2 jylda elimizde 123 esirtki zerthanasy joıyldy. Bul týraly Májilis depýtattarynyń saýalyna Premer-Mınıstr Oljas Bektenovtiń jaýabynda aıtylǵan.
Bıyl 9 aıda esirtkige qatysty qylmys jasaǵany úshin ishki ister organdarynyń 12 qyzmetkerine aıyp taǵyldy
«Quqyq qorǵaý organdary men arnaýly memlekettik organdar esirtki bıznesiniń uıymdasqan túrlerimen kúresýge erekshe kóńil bóledi. Máselen, 2 jyldyń ishinde 123 esirtki zerthanasy joıyldy. Onyń 72-si bıylǵy jyldyń 9 aıynda ǵana, 14 uıymdasqan qylmystyq toptyń qyzmeti toqtatyldy. Onyń 2-eýi – transulttyq», - dedi Úkimet basshysy jaýabynda.
Premer-Mınıstr ishki ister organdarynyń qyzmetkerleri arasynda esirtkige qatysty qylmys jasaý faktilerin joqqa shyǵarý maqsatynda múddeli memlekettik organdar Qazaqstan Respýblıkasynda nashaqorlyqqa jáne esirtki bıznesine qarsy kúrestiń 2023-2025 jyldarǵa arnalǵan keshendi josparyn iske aıasynda tıisti jumys istep jatqanyn aıtady.
«Sonymen qatar esirtkige qatysty qylmys jasaǵany úshin ishki ister organdarynyń 24 qyzmetkerine (2023 jyly – 12, 2024 jyly 9 aıda – 12) aıyp taǵyldy», - dedi Oljas Bektenov.
