Eki jasar balany 4-qabattan laqtyryp jibergen shymkenttik qamaýǵa alyndy

Eki jasar balany 4-qabattan laqtyryp jibergen shymkenttik qamaýǵa alyndy, dep habarlaıdy Kazinform.

Shymkentte 2021 jyly týǵan sábıdi psıhonevrologııalyq dıspanserde esepte turatyn týysy 4-shi qabattyń terezesinen tómenge tastap jibergen.

Atalǵan jaıt boıynsha QR QK-niń 24 baby 3 bóligi – 99 baby «adam óltirýge oqtalý» boıynsha qylmystyq is qozǵaldy.

«Jas bala túrli dene jaraqattarymen aýrýhanaǵa jetkizildi. 40 jastaǵy kúdikti ustalyp, ýaqytsha ustaý ızolıatoryna qamaldy. Barlyq qajetti tergeý amaldary júrgizilýde», - delingen Shymkent qalasy polıtsııa departamentiniń baspasóz qyzmeti taratqan aqparatta.