EK tóraǵasynyń orynbasary: Grekııanyń banktik júıesi kúıreýdiń az-aq aldynda
ASTANA. QazAqparat - Grekııanyń banktik júıesi kúıreýdiń az-aq aldynda dep málim etti sársenbide Eýrokomıssııa tóraǵasynyń orynbasary Valdıs Dombrovskıs.
«Grekııanyń banktik júıesi kúıreýdiń aldynda tur», - dedi ol Brıýsselde jýrnalısterge. Budan buryn BAQ Eýropa ortalyq banki beısenbide grek bankteri úshin shuǵyl kredıttik baǵdarlama boıynsha kredıtteý shegin arttyrýǵa ázir ekenin habarlaǵan. Bulaı bolǵanda, Grekııanyń qarjy mekemeleri dúısenbi, 20 shildede ashylady. Qarjy mınıstrliginiń sheshimimen Grekııada «Bank kanıkýly» 15 shildege deıin uzartyldy. Eýroaımaq elderi kóshbasshylarynyń sammıti Grekııaǵa 15 shildege deıin óz parlamenti arqyly birqatar zań jobalaryn (onyń ishinde zeınetaqy júıesi men QQS reformalaý boıynsha) ótkizýdi tapsyrdy. Osy zańdar qabyldansa ǵana EO tarapynan Grekııamen úshinshi kredıtteý baǵdarlamasy boıynsha kelissózder bastalatyn bolady.
