Eki shetel azamaty Qazaqstanǵa 770 kg geroın ákelmek bolǵan

ASTANA. KAZINFORM – Qazaqstanda eki shetel azamaty elge 770 kg geroın ákelýge áreket jasaǵany úshin 14 jylǵa bas bostandyǵynan aıyryldy, dep habarlaıdy Bas kólik prokýratýrasy.

- Byltyrǵy mamyr aıynda Túrkistan oblysyndaǵy B. Qonysbaev atyndaǵy shekara ótkizý beketinde esirtkini zańsyz ákelý áreketi áshkerelengen. Tekserý barysynda geroınniń aıaq kıimge arnalǵan krem retinde rásimdelip, Eýropa elderine tranzıtke shyǵarylmaq bolǵany anyqtaldy, - dep jazdy baqylaýshy organnan.

Sot otyrysynda memlekettik aıyptaýshy sheteldik azamattardyń kinásin tolyq dáleldeıtin aıǵaqtar usyndy.

Qylmystyq ister jónindegi mamandandyrylǵan aýdanaralyq sot eki azamatty kináli dep tanyp, 14 jylǵa bas bostandyǵynan aıyrý týraly úkim shyǵardy.

Úkim zańdy kúshine engen joq.

Aıta keteıik, SQO-da túrmege esirtkini dárethana qaǵazy arqyly kirgizbek bolǵany anyqtaldy.