Eki óńirde jol qozǵalysyna ýaqytsha shekteý engizildi

ASTANA. KAZINFORM – QazAvtoJol aýa raıyna baılanysty eki oblysta kólik qozǵalysyna shekteý qoıylǵanyn habarlady.

5 naýryz saǵat 18:00-de aýa raıynyń buzylýyna baılanysty kelesi respýblıkalyq mańyzy bar avtojoldarda qoǵamdyq jáne júk kólik túrleriniń qozǵalysyna shekteý engiziledi:

Qostanaı oblysy:

– «Qostanaı – Áýlıekól – Surǵan» avtojolynyń 8-232 shaqyrym aralyǵyndaǵy ýchaskesinde (Tobyl qalasy – Aqmola oblysynyń shekarasy). 

Aqmola oblysy:

– «Jezqazǵan – Arqalyq – Petropavl» avtomobıl jolynyń 532-552 shaqyrym aralyǵy (Buzylyq eldi mekeni – Surǵan eldi mekeni);

– «Qostanaı – Áýlıekól – Surǵan» avtojolynyń 232-260 shaqyrym aralyǵy (Qostanaı oblysynyń shekarasy – Surǵan eldi mekeni); 

– «Jaqsy – Esil – Buzylyq» avtojolynyń 71-82 shaqyrym aralyǵy (Aqsaı eldi mekeni – Buzylyq eldi mekeni).

Aıta keteıik, joldy 2026 jylǵy 6 naýryz saǵat 08:00-de ashý josparlanyp otyr. 

Eske salsaq, buǵan deıin 5 naýryzda eldegi qaı joldarda qozǵalys tártibi ózgergenin habarlaǵanbyz.