Eki óńirde aýa raıynyń qolaısyzdyǵyna baılanysty jol jabyldy

ACTANA. KAZINFORM – QazAvtoJol ulttyq kompanııasy aýa raıynyń nasharlaýyna baılanysty Qaraǵandy jáne Jambyl oblystary aýmaǵyndaǵy respýblıkalyq mańyzy bar jol ýchaskelerinde kólik qozǵalysyna shekteý qoıylǵanyn habarlady.

Qaraǵandy oblysy:

31 jeltoqsan kúni saǵat 04:30-da aýa raıynyń nasharlaýyna baılanysty respýblıkalyq mańyzy bar «Astana – Qaraǵandy – Almaty» 592-750-shaqyrym aralyǵy (Balqash qalasy - Jambyl oblysy shekarasy) barlyq kólik túrleriniń qozǵalysyna shekteý engizildi.

Jambyl oblysy:

31 jeltoqsan saǵat 04:30-da Qaraǵandy oblysynda aýa raıynyń nasharlaýyna baılanysty respýblıkalyq mańyzy bar «Astana - Qaraǵandy - Almaty» avtojolynyń 2005-2152-shaqyrymy aralyǵynda (Qaraǵandy oblysynyń shekarasynan Burylbaıtal aýylyna deıin) barlyq kólik túrleriniń qozǵalysyna shekteý engizildi.

Atalǵan jol ýchaskelerin búgin saǵat 09:00-de ashý josparlanǵan.

Aıta keteıik, keshe Abaı oblysynda aýa raıy qolaısyzdyǵyna baılanysty jol jabyldy.