Eki óńirde aýa raıyna baılanysty kólik qozǵalysy jyldamdyǵyna shekteý engizildi

ASTANA. KAZINFORM – «QazAvtoJol» Aqmola jáne Qaraǵandy oblystaryndaǵy joldarda aýa raıyna baılanysty jyldamdyqty arttyrmaý týraly eskertti.

4 qarasha saǵat 00:30-dan bastap Aqmola oblysynda aýa raıynyń nasharlaýyna baılanysty respýblıkalyq mańyzy bar «KAZ01 Astana – Qaraǵandy – Almaty» avtojolynyń 30-92 shaqyrym aralyǵynda (Jibek joly aýylynan Anar stansasyna deıin) kóliktiń barlyq túri úshin jyldamdyq shekteýi 140 km/saǵ-tan 80 km/saǵ-qa deıin tómendetiledi.

4 qarasha saǵat 01:00-den bastap Qaraǵandy oblysynda aýa raıynyń nasharlaýyna baılanysty respýblıkalyq mańyzy bar «KAZ01 Astana – Qaraǵandy – Almaty» avtojolynyń 92-164 shaqyrym aralyǵynda (Anar stansasynan Temirtaý qalasyna deıin) kóliktiń barlyq túri úshin jyldamdyq shekteýi 140 km/saǵ-tan 80 km/saǵ-qa deıin tómendetiledi.

Jyldamdyq rejımin 2025 jylǵy 4 qarasha kúni saǵat 09:00-de qaıta qalpyna keltirý josparlanyp otyr. Bul aýa raıynyń turaqtanýyna jáne qozǵalys qaýipsizdiginiń qamtamasyz etilýine baılanysty júzege asyrylady.

Buǵan deıin «Astana – Kókshetaý – Petropavl» avtojolynyń belgili bir bóliginde saǵat 16:00-den bastap aýa raıynyń nasharlaýyna baılanysty jyldamdyq shekteýi 110-nan 80 km/saǵ deıin tómendetilgenin jazǵanbyz.